Guðrún Helga

2011-08-27T23:23:00.001Z

Við Óli höfum sett upp sér síðu fyrir barnatengt efni svo það mun ekki koma inn á þessa síðu enda hefur virknin hér inni verið í algjöru lágmarki í dágóðan tíma.

2011-08-26T11:57:00.002Z

Lagið hennar Olgu Guðrúnar á svo vel við mig um þessar mundir:

Það er munur að vera hvalur
og geta siglt um sjóinn eins og skip
eins og skip eins og skip eins og skip
Ég er stærsti hvalur í heimi
og ég syndi um með merkilegan svip
merkissvip merkissvip merkisvip

2011-08-15T15:17:00.000Z

Af hverju er allt barnadót svona ótrúlega flókið með mörgum tökkum? Hvað er t.d. málið með að þurfa að lesa leiðbeiningabækling bara til að finna út hvernig eigi að færa handfangið á bílstólnum. Eða er þetta kannski bara þjálfunarleysi?

2011-08-03T15:33:00.001Z

Sumarfrí-líklegast síðasta sumarfríið þar sem ég get bara hangið og gert ekki neitt í langan tíma:

2011-07-08T20:14:00.000Z

Óléttuþreytan er víst farin að segja aðeins til sín á morgnana eins og sannaðist í dag þegar ég mætti í vinnuna með einn bleikan eyrnalokk og einn svartan.

2011-06-19T16:39:00.003Z

Að blómstra ólétt
Var að skoða myndir sem teknar voru af mér 17. júní og þar er andlitið á mér orðið kringlótt, baugarnir ná niður á kinnar og hárið eins og reitt hæna vegna hárloss. Og þarna var ég búin að vera í vikufríi. Svo held ég að það sé eitthvað að sjóninni hjá mér líka því þegar ég leit í spegil áður en ég fór út þennan dag fannst mér ég bara líta ágætlega út.
Þakka bara fyrir að vera búin að henda vigtinni minni :p

2011-05-07T10:55:00.000Z

Ég stóð í þeirri meiningu að nafnabækur innihéldu lista af nöfnum og jafnvel skýringar á þeim en nafnabókin sem ég tók á bókasafninu innheldur svo miklu meira. Hún hefst á mörgum blaðsíðum af blammeringum á aðra nafnabók og mikilli hneykslun á foreldrum sem gefa börnum sínum ótæk nöfn. Það er samt tekið fram á fyrstu blaðsíðu að höfundur ætli ekki að fjölyrða um þau nöfn sem honum eru ekki að skapi en samt koma svo fimm blaðsíður af því ásamt svo tíu blaðsíðum af því hvernig nöfn eiga að vera. Legði ekki í það þegar hann ætlar virkilega að ræða hlutina;) Þessi bók er algjör gullmoli og mér finnst hún miklu skemmtilegri en hin nafnabókin sem ég tók sem inniheldur bara lista af nöfnum og útskýringar:)
Hér er svo dæmi um nöfn sem höfundur telur fyrir neðan allar hellur (hans orð ekki mín):
Arnar - Birkir - Dagþór - Elvar - Elías- Fannar - Ísar - Jens - Pálmar - Rúnar -Sveinþór
Áróra - Bríet - Díana - Diljá - Ellen - Heba - Íris - Karen - Rut - Sandra - Stella

Hins vegar er nafnið Húnvör á samþykkta listanum hjá höfundi ásamt Eyfuru, Fastnýju og augljóslega Lofthænu.

2011-04-17T22:59:00.000Z

Í síðustu viku vann ég tvo vinnudaga. Í þessari viku eru þrír vinnudagar og í vikunni þar á eftir eru þeir fjórir. Gott að vinna sig svona hægt og rólega upp í heila vinnuviku þökk sé páskafríinu:)

2011-03-30T21:21:00.002Z

Ég er víst komin með bumbu, jey!
Í fyrsta sinn sem stækkandi bumbu er fagnað.

2011-03-10T19:13:00.000Z

Ég veit víst minna um barnadót en ég gerði mér grein fyrir. Nú eru tvær sem ég þekki búnar að senda mér lista yfir barnadót og ég þurfti alveg að googla hluti á þeim til að athuga það þetta væri eiginlega. T.d. hafði ég oft séð svona plaststóla ég bara vissi ekki að þeir hétu bumbostólar.

2011-03-02T23:06:00.000Z

Um hvað á ég að blogga?

2011-01-26T17:48:00.000Z

Úff, ég er alveg úrvinda eftir þennan dag. Ótrúlegt hvað svona litlir hlutir geta tekið á;)

2011-01-13T19:31:00.000Z

Mikið væri ég til í smá birtu núna. Sérstaklega á degi eins og í dag þar sem það birti bara aldrei.

Fór í fyrsta sinn til sjúkraþjálfara í dag. Lýst bara vel á þetta og vona að bakið verði orðin súperfínt á engum tíma.

2010-12-31T14:30:00.000Z

...og farsælt komandi ár:)

2010-12-24T11:59:00.009Z

Gleðileg jól...

2010-12-21T18:07:00.002Z

Magnað að sjá tunglmyrkva á vetrarsólstöðum í dag. Hversu oft ætli það gerist?

2010-12-02T21:48:00.000Z

Ég held ég verði að sjá þessa mynd:

2010-11-29T14:37:00.000Z

Afmælisdagur, afmælisgjöf, afmæliskaka, afmælismatur, afmælisdans.
Allir hlutir hljóma betur ef orðið afmæli er sett fyrir framan þá.

2010-11-28T13:10:00.000Z

Óli vill endilega kaupa nýja brauðrist bara af því það er sæmilega stór brauðbiti fastur í okkar og engin leið að ná honum út og vegna þess að það koma neistar og hún slær út rafmagnið þegar reynt er að kveikja á henni.

Ég hugsa að þetta sé bara afsökun af því hann langar í Battlestar Galactica brauðrist:

2010-11-20T16:27:00.003Z

Í dag saumaði ég gardínur úr sturtuhengi. Eitthvað sem er búið að vera á döfinni mjög lengi svo núna er loksins hægt að fara í sturtu með kveikt ljós þegar það er myrkur úti án þess að sýna nágrönnunum hvernig eigi að þvo hárið.

2010-11-14T22:23:00.001Z

Styttist í afmælið mitt!

2010-11-09T17:08:00.000Z

Ég heiti Guðrún Helga og ég þjáist stundum af því að vera ótrúlega óþolinmóð. Jæja, er ekki fyrsta skrefið á lausninni að viðurkenna vandann?

2010-10-21T20:39:00.001Z

Í vikunni fór ég til tannlæknis. Það hlýtur að vera kreppa hjá tannlæknum því þau gerðu þrjár tilraunir til að hringja í mig til að minna mig á að það væri alveg að fara að koma að því að það væri kominn tími til að panta tíma og svo þegar ég mætti þá skoðaði tannlæknirinn tennurnar hátt og lágt og sagði svo með pínu tón: "Ég finn bara ekkert að! "

2010-10-16T23:35:00.000Z

Þetta hlýtur að vera skammdegið en mér er enn einu sinni farið að detta í hug að prjóna jólagjafir. Það tókst nefnilega svo vel síðast þegar ég gerði það og nákvæmlega enginn fékk heimagerða jólagjöf frá mér það árið.

2010-10-11T20:45:00.001Z

Núna um helgina hengdum við Óli upp snaga í svefnherberginu. Það olli næstum því fyrsta rifrildi okkar þegar fullkomnunarsinninn sá að það munaði 5 mm á skrúfunum. Næstum því. En snagarnir eru ótrúlega flottir og munar um minna að hafa stað til að hengja millibilsfötin* sín á.

*ekki skítug en samt ekki hrein.

2010-10-09T14:30:00.000Z

Í gær eyddi ég heilu föstudagskvöldi í að spila leikinn plants vs.zombies sem ég rakst óvart á í tölvunni minni. Þar fóru fjórir tímar út um gluggann. En ég náði hins vegar að klára 27 borð af leiknum. Það er afrek hehe.

2010-09-26T23:17:00.002Z

Ég er farin að halda að okkur Óla sé ekki ætlað að fara í bústað nema það hellirigni nær allan tímann. Það var samt ágætt að fá eina slökunarhelgi og það besta er að ég er líka í fríi á morgun svo ég nái nú örugglega að hanga í sófanum heima líka.

2010-09-24T07:27:00.000Z

brrrr
Það er farið að vera dimmt og kalt á morgnana. A.m.k. dimmara og kaldara en í sumar. Það er sem sagt komið haust einu sinni enn og ég ekki búin að skipta yfir á sumardekkin á bílnum enn þá. Ég ætlaði virkilega að gera það þetta sumar en það tekur því ekki úr þessu:)

2010-09-18T19:12:00.002Z

Ég var í barnaafmæli þar sem voru fjórar tegundir af brauðréttum plús kökur. Það kallar maður barnaafmæli með metnað.

2010-08-20T10:32:00.003Z

Í gær smakkaði ég hvalkjöt í fyrsta skipti (hrefnu). Það var bara furðulega líkt nautakjöti, nema miklu mun þyngra í maga.
Ekki eitthvað sem ég myndi velja mér t.d. ef ég væri að panta á veitingahúsi en ég er svo sem engin nautakjötsmanneskja og núna veit ég að ég er heldur engin sérstök hvalkjötsmanneskja.

2010-08-16T19:35:00.003Z

Punktar

Lífið er einhvern veginn hætt að vera á pásu og tíminn farinn að líða eðlilega aftur. Hefur ekki verið auðveldasta sumarið, ekki fyrir neinn.
Ég vissi alltaf að ég væri sú sem beitti mig mestum þrýstingi en öllu má nú ofgera þegar það er ástæða bakverkjanna minni.
Finnst það sé kominn tími á góðar fréttir svo ég býst við þeim næst!

2010-08-01T21:47:00.000Z

Löng vika að baki. Örugglega sú lengsta á þessu ári.

2010-07-23T12:55:00.002Z

Jæja, þá hef ég komist að því að borða nammi og/eða köku á hverjum degi í heilsuátaki er ekki vænlegt til árangurs. Hugsa að ég prófi aðra taktík í næstu viku.

2010-07-07T12:29:00.002Z

Ég hef ekki verið föst við sjónvarpið frá síðustu færslu þótt þögnin
hérna inni hafi kannski gefið það til kynna.
Hins vegar get ég ekki með nokkru móti munað hvað ég hef gert síðasta mánuðinn eða svo. Jú, það voru kannski nokkur salsakvöld, svo sem tvö matarboð, eitt partý og smá vinna við að Ikeavæða baðherbergið mitt.

2010-06-09T17:20:00.002Z

Mér finnst eins og samband mitt hafi færst á annað stig. Óli keypti sjónvarpsflakkara og geymir hann heima hjá mér.

Samband mitt við sjónvarpið þ.e.a.s.

2010-06-04T17:36:00.000Z

Öskudagur hefur fengið víðtækari merkingu en ég hef áður þekkt. Í dag var t.d. svoleiðis dagur og ég er ekki frá því að höfuðverkurinn gæti verið því að kenna að ég sat nálægt opnum glugga í allan dag. Slæmt þegar það að lofta út er ekki lengur eins heilsusamlegt.

2010-05-17T20:49:00.000Z

Þegar ég var yngri átti ég fjórar ömmur (alvöru sem og ættleiddar).
Núna er aðeins ein eftir.
Þetta finnst mér uggvænleg þróun.

2010-05-02T16:54:00.002Z

Ég er eiginlega alveg viss um að þetta verði gott sumar á Íslandi. Sérstaklega meðan ég verð í sumarfríi.

2010-04-15T22:09:00.000Z

Ég rakst á síðu á netinu þar sem útskýrt er hvernig eigi að baka brúnköku fyrir einn á 3 mín. í örbylgjuofninum. Sjá hér
Hljómar ótrúlega freistandi að prófa en ef þetta virkar þá gæti það haft alvarleg áhrif á línurnar.
En ætli það séu nokkuð verri áhrif heldur en að eiga mömmubrúnköku í frystinum í hæfilegum bitum og geta alltaf bara tekið einn út og skellt í örbylgjuna í hálfa mínútu. Ég held stundum að þær vaxi í frystinum hjá mér því ég er rétt búin með eitt box af þeim þegar annað er komið þar inn.
En já 3 mín. kökurnar. Ef einhver hér hefur prufað þetta eða ætlar að prufa má láta mig vita hvort þetta virkar. Annars hugsa ég að ég prufi þetta nú sjálf....bara þegar þetta brúnkökubox sem er núna í frystinum er orðið tómt;)

2010-04-14T23:03:00.000Z

Búin að fara í tvo tíma núna í TRX þjálfun. Þessi seinni tími virðist ætla að láta mig fá harðsperrur á þá fáu staði þar sem þær voru ekki fyrir (nema á hálsinum og fingrunum). Virðist vera svona pakkatilboð á harðsperrum!
Og ég má líklegast búast við að labba frekar asnalega næstu tvo daga vegna þessa a.m.k. á leið upp og niður tröppur. Þær eru erfiðasti hluti þess að ganga með harðsperrur;)

2010-04-10T20:02:00.000Z

Ég skil ekki alveg hvernig eldhræddu mér tókst þetta en mér tókst að gleyma potti á eldavélinni nógu lengi til að allt vatnið í honum gufaði upp og það kom svona skemmtileg lykt í alla íbúðina. Ég kenndi auðvitað nágrönnunum um lyktina fyrst þegar ég fann hana því ég var ekki að elda neitt bara aðeins að hreinsa silfurhringina mína á eldavélinni. Og það versta er að hringirnir urðu ekki einu sinni glansandi. Það sást bara enginn munur á þeim. Ég kenni ódýra eurotrash-álpappírnum um. Það hlýtur bara að vanta eitthvað efni í hann. En já ég þarf líklegast að gera mér ferð í búð fljótlega og splæsa í nýjan pott eða kannski ég geti frestað því eitthvað. Lokið bráðnaði bara smá og það datt ein skrúfa úr því og kemst ekki inn aftur því skrúfgangurinn bráðnaði annað virtist mér að mætti þrífa burt. En það að hringarnir skuli enn vera áfallnir er samt mesta hneykslið!

2010-04-08T19:00:00.000Z

Hvað hef ég gert í dag:
Klárað Zorróbókina sem ég var að lesa.
Horft á danskan fasteignaþátt á DR1 (vá hvað íbúðir eru dýrar í Kaupmannahöfn).
Spjallað á msn.
Horft á SATC.
Ýtt á F5 á Facebook á 5 mín. fresti.
Reynt að skrá mig inn á Farmville á Facebook en ákveðið svo að ég væri ekki það langt leidd í leiðindum.
Spilað alla fimm leikina og kaplana sem fylgdu með tölvunni.
Horft á kristnu sápuóperuna á S1 og Dr. Phil

Allt þetta og það er ekki einu sinni komið myrkur úti. Veikindadagar eru þeir leiðinlegustu í heimi.

2010-03-31T08:31:00.001Z

Eins og mars byrjaði vel á þessu bloggi held ég að mér takist ekki að setja inn fleiri færslur í mars en í febrúar.
Það var meira að segja svo langt síðan ég hef farið inn á þessa síðu að netvafrinn var búinn að gleyma slóðinni.
Svo ég segi bara gleðilega páska núna:)

2010-03-25T17:26:00.000Z

Þrjár stærstu borgir Svíþjóðar á innan við fimm mánuðum: Tjékk
H&M búðir í 5 borgum á rétt rúmlega ári: Tjékk
Ég var sem sagt að koma heim úr enn einni utanlandsferðinni: Salsa í Gautaborg og heimsækja Margréti og Gretu í Lundi:)

2010-03-12T21:27:00.000Z

Er þetta ekki orðin hefð:

Bankinn minn sá til þess að þetta væri extraflókið þetta árið með því að skipta um nafn og láta þar með íbúðalánið mitt færast á milli fyrirtækja (auk þess að hafa forskráðu upplýsingarnar vitlausar). Vesen.

2010-03-04T20:33:00.000Z

Jæja þemavikan heldur áfram og á morgun er glimmer/glansþema. Eftir að hafa staðið mig ekki sem skyldi sem minn eiginn leynivinur gat ég ekki farið að klúðra þessu líka (keypti sem sagt ekki neitt handa mér). Svo ég vippaði fram saumavélinni og út kom eitt stykki glansandi gulltoppur. Átti svo bara gulltvinna tilbúinn á spólunni þegar ég tók hana upp (ætli það hafi verið mikið saumað úr gulli á þessa vél?) og saumavélin hagaði sér vel allan tímann svo þetta bara skotgekk.

2010-03-03T18:30:00.001Z

Í dag er ár síðan ég byrjaði í salsa: 365 dagar.
Finnst eins og það sé miklu lengra síðan ég byrjaði.

2010-03-02T22:13:00.001Z

Í leit minni að geisladisk sem ég á með office pakkana á (því ég hef ekki word og svona eftir að tölvan var straujuð) hef ég farið í gegnum þær skúffur og aðrar hirslur hér í íbúðinni þar sem ef innihald þeirra væri sett í kassa yrði hann merktur "ýmislegt" (og ég get ekki gert íslenskar gæsalappir því ég hef ekki word). Ég hef sko fundið ýmislegt þar t.d. fjarstýringu að ónýtu videótæki sem er staðsett í herbergi bróður míns í Breiðholti, geltandi hundabangsa og diskókúlu.

2010-03-02T21:40:00.001Z

Í vinnunni er ýmislegt skemmtilegt gert þessa vikuna, þar sem þetta er vikan fyrir árshátíð, þar á meðal er leynivinaleikur. Þetta er samt enginn venjulegur leynivinaleikur heldur er smá twist á honum því hver er sinn eiginn leynivinur. Mig langar að fara eftir vinnu á morgun og kaupa eitthvað fallegt handa leynivini mínum, pakka því svo inn og skilja það svo eftir á skrifborðinu mínu svo ég geti fundið það næst þegar ég kem að borðinu því svoleiðis gera alvöruleynivinir.

2010-02-21T21:13:00.003Z

Jæja, þar með lauk skóbindindi mínu. Tvö pör í safnið í dag. Dansskór og stígvél á kostakjörum á útsölumarkaði:)
Og Óli bakaði vöfflur! Samt ekki í tilefni skókaupanna þó það hefði alveg verið við hæfi.

2010-02-20T20:01:00.001Z

Ég gæti næstum lifað eingöngu á lúxusbrunchinum á Vegamótum. Næstum!
Verst að það þarf alltaf eftirmiðdagsblund eftir hann.

2010-02-08T20:03:00.001Z

Ég sá fólk kaupa páskaegg í búðinni í dag! Svo þau eru ekki bara til sölu heldur er virkilega fólk sem kaupir þau líka.

2010-02-05T21:44:00.001Z

*píp-píp*
Klukkan 18:48, 19:48 og 20:48 pípti eitthvað heima hjá mér. Núna bíð ég spennt eftir 21:48.

Annars er sjónvarpsdagskráin mig lifandi að drepa á þessu föstudagskvöldi.

2010-02-05T11:46:00.001Z

Christianity : The belief that some cosmic Jewish Zombie can make you live forever if you symbolically eat his flesh and telepathically tell him that you accept him as your master, so he can remove an evil force from your soul that is present in humanity because a rib-woman was convinved by a talking snake to eat from a magical tree ….. makes perfect sense....

2010-02-04T22:29:00.006Z

Hvernig skal grenna sig um 18 kg:

Ja, það er auðvitað þetta hefðbundna leiðinlega að brenna meiru en borðað er. Hins vegar sýnist mér að Photoshop sé greinilega auðveldasta leiðin. Heilbrigt?

Hvað ætli það kosti að kaupa þetta forrit? Virðist virka svona undravel. Verst er að þurfa að halda útprentaðri mannhæðarhárri mynd fyrir framan sig allan daginn til að þetta virki utan tölvunnar.

2010-02-04T22:17:00.000Z

Í kvöld fór ég í gegnum tæplega þúsund lög í iTunes-spilarnanum og lagaði þau þannig að nafn og flytjandi væri skrifað með sama sniði í öllum lögunum. Fimmtudagskvöldi vel varið? Ó já!

2010-01-30T19:09:00.000Z

Ég sá páskaegg í búðinni áðan. Ekki degi of seint. Ég var farin að örvænta að það kæmu engin egg þetta árið!

2010-01-30T15:05:00.001Z

Ég lét undan þrýstingi og horfði á handboltaleik!

2010-01-28T19:14:00.000Z

Ég á pantaðan tíma í nudd í næstu viku og á tíma í plokkun á morgun. Það er ótrúlegt hvað ég hlakka mikið til að láta tvær mismunandi manneskjur meiða mig því ekki er þetta þægilegt (nema kannski bara eftir á).

2010-01-26T22:09:00.000Z

Ég vil bara tilkynna að það eru 26 dagar liðnir af þessu ári og ég hef enga skó keypt. Ætla að reyna að kaupa enga fyrr en í Svíþjóð:) Hana, nú hef ég sagt þetta upphátt (eða á prenti) svo ef einhver sér mig inni í skóbúð þá má (lesist: á að) koma til mín og segja NEI hátt og skýrt.

2010-01-26T22:01:00.004Z

Og janúar bara alveg að verða búinn!

2010-01-25T22:34:00.000Z

Ég er núna á öðru, þriðja og fjórða stiginu í salsa.
2.stigið að aðstoða sem herra
3.stigið að aðstoða sem dama
4.stigið sem dama
Hvers vegna að gera eitt í einu þegar það er hægt að gera allt í einu.

2010-01-22T10:18:00.002Z

Ég veit eiginlega ekki hvort mér finnst verra stöðugar Icesaveumræður í kaffistofunni eða stöðugar handboltaumræður í kaffistofunni.

2010-01-19T18:38:00.001Z

Ég hef enn og aftur fengið staðfestingu á því að ég búi í kjarnorkubyrgi. Það tók tvo tíma að bora eitt gat í gegnum vegg!
Núna get ég hins vegar horft á sjónvarpið án þess að þurfa að hafa snúru í gegnum hálfa íbúðina.

2010-01-14T20:06:00.000Z

Ég er í ótrúlega miklu skrifstuði en því miður ekki það margt að til að segja frá. Hérna er þó eitthvað.
Fór í sumarbústað með skemmtilegu (salsa)fólki um síðustu helgi. Mikið gaman, mikið borðað (eftir að uppgötvaðist að ástæða þess að gasgrillið virkaði ekki var sú að það var batteríslaust), aðeins dansað, mikið spilað, spjallað og sofið alveg nóg.
Jú og svo sá ég Avatar í þrívídd í bíó í gær. Týndi reyndar þrívíddargleraugunum í hléi og fattaði það ekki fyrr en myndin var byrjuð aftur. Það reddaðist (ja með því að Óli lét mig bara fá sín og hann fór svo að ná í ný-góð redding). Þrívídd er annars ágæt. En ég sé svo sem í þrívídd allan daginn, alla daga.

2010-01-11T22:11:00.001Z

Ég reyndi að skipta yfir í Blogger útlit á síðunni svo ég gæti sett inn kommentakerfi en það var bara of ljótt til að gæti fengið mig til að skipta yfir.

2010-01-11T21:55:00.002Z

Nú verður árið 2009 gert upp: Salsa
Gerðist eitthvað annað þetta ár?
Nýtt ár og ég er ekki enn búin að ákveða þau 20 atriði sem mig langar að gera á þessu ári. Náði ekki að gera þrjú atriði á lista ársins 2009 en eitt þeirra er í vinnslu og komið ágætlega áleiðis, eitt er leiðinlegt en nauðsynlegt og verður gert á þessu ári (já ég mun mála gluggana á þessu ári, takk fyrir) og eitt er í endurskoðun hvort mig langi þess enn eða hvort ég geti endurskilgreint það svo ég hafi þegar náð því. Ég lýsi því yfir að markmið ársins 2009 hafi að langmestu leyti náðst.

2009-12-30T15:00:00.004Z

Ég var búin að plana það að vinnudagarnir milli jóla og nýárs yrðu rólyndisdagar. Búin að vinna mér inn tíma svo ég gæti farið snemma heim og sýnakeyrslurnar áttu að vera í auðveldari kantinum.
Á mánudaginn vann ég í 7 klst. og 50 mín
Í gær vann ég í 8 klst. og hefði auðveldlega getað unnið 2 klst. lengur.
Í dag kemst ég ekki heim fyrr en í fyrsta lagi eftir að hafa unnið 7 klst. og 30 mín.
Rólyndisdagar og snemma heim, ekki að ræða það!
Á móti kemur er enginn lengur í vinnunni til að trufla mig svo ég get unnið eins og brjálæðingur með eins mörg tæki og mér sýnist. Alltaf að sjá jákvæðu hliðarnar;)

Já og svo óska ég ömmu Guðrúnu til hamingju með afmælið. Veit að það eru hverfandi líkur á að hún lesi þetta en góðar hugsanir sendar út í algeiminn.

2009-12-24T11:35:00.000Z

Ég óska ykkur öllum gleðilegra jóla

2009-12-18T17:17:00.003Z

Jæja kommentakerfið mitt var að segja mér að það yrði ekki lengur gjaldfrjálst frá áramótum svo núna lesandi góður fer að verða síðasti séns þinn að segja eitthvað sniðugt í skilaboðaskjóðunni.
Svo ég hvet alla mína tíu lesendur að segja a.m.k. hæ við mig í kommentakerfinu eða senda jólakveðju meðan þið hafið enn tækifæri til þess:)

2009-12-11T21:02:00.003Z

Eftir að hafa þraukað tæpar fjórar vikur með aðeins eina sjónvarpsstöð eftir að Skjár einn varð ruglaður þá get ég með mikilli ánægju tilkynnt að ég er núna með átta sjónvarpsstöðvar (plús tvær plússtöðvar og eitthvað dót eins og omega og ínn) og lífið er ljúft. Núna þarf ég bara að vinna upp fjórar glataðar vikur af sjónvarpsglápi. Engar áhyggjur ég er nú þegar byrjuð á því....

2009-12-06T22:55:00.001Z

Mamma fór til Kaupmannahafnar og kom til baka með Jimmy Choo skó fyrir mig. Nú get ég ekki ákveðið hvort þeir fari betur á fæti eða uppi í hillu í stofunni ;)

2009-12-01T23:37:00.000Z

Hafiði séð eitthvað sætara en þetta?

2009-11-29T01:00:00.001Z

Afmæli

2009-11-25T22:29:00.003Z

Þulan í sjónvarpinu er í alveg eins stuttermaskyrtu og ég, bara í öðrum lit. H&M, I think so;)

Þetta var bara of merkilegt til að deila því ekki með umheiminum.

2009-11-25T22:22:00.003Z

Á leiðinni heim af Íslenska dansflokknum* tókst mér eða bílnum mínum réttara sagt að pikka upp vinnugalla af Kringlumýrarbrautinni. Bíllinn fékk ekki að halda gallanum þótt hann hafi haft fyrir að næla sér í hann.

*Athyglisverð sýning. Fyrri hlutinn hræðilegur. Seinni hlutinn fyndinn. Svo eru tveir hlutar til viðbótar eftir síðar í vikunni.

2009-11-25T15:51:00.002Z

Þá er ég orðin bólusett gegn A(H1N1). Mér hefur verið sagt að ein aukaverkun þess sé fimm til tíu daga letikast. Ég er strax farin að hlakka til. Aðrar aukaverkanir vonast ég til að sleppa við.

Bætt við klukkan 22:26 - Ég fékk ofnæmi fyrir plástrinum og er aumari í því heldur en stungunni. Ég held líka að ég sé að fá flensulík einkenni.

2009-11-24T18:15:00.002Z

Mér finnst pínu vandræðalegt að í jólablaði Fréttablaðsins skuli aðeins vera þrír sunnudagar í aðventu.

2009-11-23T23:34:00.001Z

Afmæli nálgast. Sömu valmöguleikar og í fyrra:

A. að hafa sængina breidda yfir höfuð allan daginn
B. að verða ógeðslega full
C. að kaupa fullt af nammi

2009-11-22T12:31:00.001Z

Ég er ekki frá því að ég sakni Skjás eins dálítið.

2009-11-14T10:34:00.000Z

Eins og mér fannst Friðarsúlan fáránleg hugmynd þegar ég heyrði hana fyrst verð ég að viðurkenna að hún er nú nokkuð falleg í myrkrinu.

2009-11-13T20:33:00.001Z

Ég heyrði jólalag í útvarpinu í dag ásamt því að mér (og öðrum hlustendum líklegast) var óskað gleðilegra jóla. Það er þrettándi nóvember!
Hvað varð um þá alþjóðlega samþykktu reglu að jólalög væru ekki spiluð fyrir afmælið mitt?

2009-11-12T13:02:00.001Z

Já jólin eru að koma. Það er búið að setja upp jólatréið fyrir utan gluggann minn í vinnunni. Á reyndar eftir að skreyta það en það verður örugglega gert á næstu dögum þekki ég Hafnfirðinga rétt.

2009-11-11T22:49:00.003Z

Síðan það fór að vera svona dimmt hef ég verið með í háttinn fyrir miðnætti átak til að það sé auðveldara að vakna á morgnana. Ég hef einu sinni sofnað fyrir miðnætti - það var á föstudagskvöldi.

2009-11-10T17:58:00.002Z

Ég held að póstkassinn minn sé smám saman að fatta að hann eigi að taka við fleiru en bara gluggapósti.

2009-11-09T12:39:00.000Z

Mánudagur
Hvernig stendur á því að það kemur alltaf mánudagur á sjö daga fresti?

2009-11-08T12:37:00.001Z

Rueduárshátíðin tókst einstaklega vel í gær þó ég segi sjálf frá. Góður matur, dansað og almennt stuð stuð stuð.

2009-11-07T12:20:00.002Z

og auðvitað um leið og ég kom heim með nýjan hárblásara ákvað sá gamli að fara að virka aftur!

2009-11-07T12:10:00.003Z

Jæja þá er loksins hægt að fara aftur í sturtu þar sem komin er ný hárþurrka á heimilið. Hárþurrkur eru víst heimilistæki þar sem hún var keypt á tilboði í verslun sem var með tilboð á heimilistækjum.

2009-11-04T22:23:00.002Z

Næst mest notaða heimilistækið mitt dó í gær svo það er neyðarástand á heimilinu þar til mér tekst að redda nýrri hárþurrku.

2009-10-28T18:21:00.002Z

Ég er með bronchitis en það er víst eitthvað sem svona ung og hraust manneskja á að geta náð úr sér sjálf. Þangað til hósta ég bara þokkafullt þar til ég er orðin rangeygð og rauð í framan.

2009-10-20T21:58:00.003Z

Hot salsa weekend í Stokkhólmi

Nákvæmlega svona leið mér í morgun.
Ætla að reyna að krota ferðasöguna bara af því þetta var svo ótrúlega skemmtilegt.
Fórum held ég um 15 saman. Við vorum með þeim fyrstu sem fóru út á miðvikudeginum í síðustu viku og þau síðustu mættu á föstudeginum. Svo við þrjár höfðum nægan tíma til að kíkja aðeins á Stokkhólm, labba um miðbæinn og kíkja í eina búð eða svo. Fá góða leiðsögn um alla 40 fermetra íbúðina sem við leigðum af Svía sem flutti bara út meðan við fluttum inn. Nákvæmar lýsingar á hvað væri private og hvað ekki (mjög vel afmarkað með því að setja teppi yfir skáp/hillu og teipa höldurnar á skápunum). Hann útskýrði líka fyrir okkur hvar væru matvöruverslanir í nágreninu þar sem hægt væri að kaupa "sheap" mat. Íbúðin var reyndar frekar spes. Eins og allt hefði verið keypt þar inn í Góða hirðinum og það sem ekki passaði var látið passa eins og t.d. hálfa ljósið í eldhúsloftinu. En hún var frábærlega staðsett:)
Salsakvöldið á miðvikudeginum var frekar rólegt og ekki mjög fjölmennt. Það á fimmtudeginum var mun fjölmennara og á allt of litlum stað. Hins vegar byrjaði aðalfjörið á föstudagskvöldið og hélt áfram alveg fram á mánudagsmorgun. Fimm dansgólf og það var sko heitt. Helgin stendur sko alveg undir nafni sem hot salsa weekend. Mér fannst skemmtilegasta tónlistin á cubangólfinu. Dj-inn þar var algjört met. Vílaði ekki fyrir sér að taka dansspor á gólfinu með svona skemmtilegum hroka eða grípa hljóðnemann og syngja með. Ég dansaði við hann á sunnudagskvöldinu og þegar svona 2/3 lagsins var búið greip hann aðra íslenska stelpu þarna og kláraði lagið með okkur tvær í takinu. Geðveikt kúl. En já þvílíkt úrval af skemmtilegum dönsurum (og nokkrir ekki eins skemmtilegir en hinir bættu það svo margfalt upp). Salsakvöldin stóðu svo algerlega upp úr í ferðinni.
Tímarnir að degi til voru flestir mjög góðir líka en það var bara svoooo skemmtilegt á kvöldunum. Og ekki skemmdi fyrir þegar þessi maður gerði nákvæmlega þetta (nema ber að ofan) í lengri tíma upp á metersháum vegg við cubangólfið klukkan þrjú á aðfaranótt sunnudags:

Og átti svo dansgólfið í svona 45 mín. og mætti líka ferskur til að kenna afro cuban tíma morguninn eftir (sem ég fór í). Ég fór líka í tvo geðveikt skemmtilega lady styling tíma þ.á m. hjá þessari:

Tvo svo L.A. stylefléttutíma. Tvo ruedutíma sem voru reyndar ekkert spes. Og endaði svo helgina á að fara í æðislegan footworktíma. Ætlaði varla að nenna var orðin svo þreytt í fótunum en það reyndist svo eiginlega vera skemmtilegasti tími helgarinnar og ekkert slakað á þar. Púlsinn upp og roði í kinnarnar.

Hver kemur með mér aftur að ári? :)

2009-10-19T23:17:00.001Z

Stutt og hnitmiðað:
Komin heim frá Stokkhólmi. Hot salsa weekend var sko málið.

2009-10-09T18:38:00.003Z

Mér finnst einstaklega gaman að fá pakka! Það er staðreynd.
Þegar ég kom heim í dag beið mín einn í póstkassanum kominn alla leið frá Lundi, Svíþjóð. Snemmbúin afmælisgjöf! Eins gott að eiga vini sem eru jafn óþolinmóðir og ég;) Þar sem það var enginn gjafapappír gilda aðrar reglur og gjöfin hefur verið tekin í notkun. Geisladiskurinn í spilaranum og eldhústuskan hengd á ísskápinn (hún var of kúl til að vera sett á vaskinn). Takk fyrir mig:)

2009-10-06T21:57:00.000Z

Fór með bílinn í ábyrgðarskoðun í dag og borgaði marga marga þúsundkalla fyrir að láta segja mér að það sé ekkert að bílnum. Varð samt eitthvað svo glöð þegar ég sá að verkstæðiskarlarnir höfðu skilið eftir tvo súkkulaðimola á mælaborðinu. Var orðin hrædd um að niðurskurður hefði bitnað á súkkulaðinu en svo var ekki. Plús að ég fékk rúnt um Reykjavík áður en ég var keyrð í vinnuna í morgun (heima-Kópavogur-Miðbærinn-Árbær-Hafnafjörður).

2009-10-05T13:14:00.001Z

Var ekki alveg sátt við nýja símann sem ég keypti í gær. Fór aftur í búðina, setti upp sakleysissvipinn minn og kom út með flottari síma. Alltaf að spara :)

2009-10-02T20:08:00.004Z

Þættinum hefur borist bréf þar sem kvartað var yfir lélegu myndabandi með lagi sem sett var inn í færslu 18. september síðastliðinn. Nú skal bætt úr því. Hér er lagið aftur með nýju myndbandi. Njótið:

p.s. lokað hefur verið fyrir kvartanir í þessum málaflokki.

2009-09-30T22:44:00.002Z

Nú ætla ég að vera dugleg að mæta í ræktina. Frá og með deginum í dag:)

2009-09-27T20:59:00.001Z

Ég fór í tvö þrítugsafmæli um helgina og ef það er svona gaman að verða þrítug hef ég engu að kvíða þegar ég verð þrítug....eftir fimm ár;)

2009-09-18T23:04:00.006Z

Lag dagsins:

Nýr diskur kemur út í næsta mánuði. Er ég spennt. Ó já!